1. |
Aħrab Il-Periklu
01:17
|
|||
Aħrab il-Periklu
Tmissx is-skieken,
Tersaqx lejn in-nar,
Tmissx is-sulfarini,
Oqgħod attent fid-dar.
Tiġrix fit-taraġ
U timbuttax
U meta tkun l-iskola
Bir-riga tiċċajtax.
Tilgħabx bil-plakek
U s-swiċċijiet
U meta tkun bil-qiegħda
Titbandalx bis-siġġijiet.
U meta tkun fit-triq
Ara l-karozzi,
Aqsam sewwa.
Aħrab il-periklu
Kemm jekk barra
U kemm jekk ġewwa.
Tmissx is-skieken ...
Tilgħabx bil-plakek ...
Irrepeti: Aħrab il-periklu
Kemm jekk barra
U kemm jekk ġewwa.
minn Għanjiet it-Tfal ta’ Mary Anne Zammit
|
||||
2. |
Il-Ħarifa
01:36
|
|||
Il-Ħarifa
Il-ħarifa bdiet f’Settembru.
Wara sajf mimli mistrieħ
Lura rġajna lejn l-iskola;
Nibdew naħdmu minnufih.
Billi tlajt ġo klassi ġdida
Jiena rrid naħdem bis-sħiħ;
Naqra, nikteb u nistudja
U ’l-għalliem rispett nurih.
Il-ħarifa staġun sabiħ
Għalkemm jagħmel ir-ragħad u r-riħ.
Jien inħobb nara l-weraq itir
U r-rummien meta aħmar isir.
Issa jidlam aktar kmieni
Għax il-jum beda jiqsar.
Aktar xogħol, aktar nirsistu
Kif miġbura nkunu d-dar.
Fil-ħarifa t-temp jiffriska,
Xita tħaddar il-widien
U mar-ragħad tal-maltempati
Kif jinqasam ir-rummien!
Il-ħarifa staġun sabiħ ...
minn Għanjiet it-Tfal ta’ Mary Anne Zammit
|
||||
3. |
Fido
02:19
|
|||
Fido
Fido Fido m’għadekx il-ġeru żgħir
Fido Fido kemm kbirtli malajr!
Fido Fido m’għadekx il-ġeru żgħir
Fido Fido kemm kbirtli malajr!
Jilgħab, jinbaħ, igerrem xi għadma
Għandu snien ibsin
Iferfer denbu meta jkun kuntent
U għal li ngħidlu tarah dejjem attent
Fido Fido m’għadekx il-ġeru żgħir
Fido Fido kemm kbirtli malajr!
Fido Fido m’għadekx il-ġeru żgħir
Fido Fido kemm kbirtli malajr!
Jorqod, jiekol fil-kaxxa tiegħu,
Naħslu u dejjem nadif.
Iħobb jaqbeż u jilgħab fil-ġonna
U biex jiġri tgħidx kemm hu ħafif!
Fido Fido m’għadekx il-ġeru żgħir
Fido Fido kemm kbirtli malajr!
Fido Fido m’għadekx il-ġeru żgħir
Fido Fido kemm kbirtli malajr!
minn Għanjiet it-Tfal ta’ Mary Anne Zammit
|
||||
4. |
Nobdu 'l Mama
01:45
|
|||
Nobdu ’l Mama
Ara jekk tafx tagħmel bħali;
Titla’ fil-għoli, titla’ fil-għoli!
Ara jekk tafx tagħmel bħali;
Titla’ fil-għoli, titla’ fil-għoli!
Kemm avżatu l-mama biex joqgħod attent meta jmur fil-ġnien!
Kemm avżatu l-mama biex joqgħod attent meta jmur fil-ġnien!
Iva jien naf nagħmel bħalek;
Nitla’ fil-għoli, nitla’ fil-għoli!
Iva jien naf nagħmel bħalek;
Nitla’ fil-għoli, nitla’ fil-għoli!
B u u u m m m m ! !
Waqa’ minn fuq il-bandla għax ma obdiex dak li qaltlu l-mama!
Waqa’ minn fuq il-bandla għax ma obdiex dak li qaltlu l-mama!
Nobdu dejjem lill-mama.
Nobdu dejjem lil-mama.
minn Għanjiet it-Tfal ta’ Mary Anne Zammit
|
||||
5. |
Il-Fulu
02:36
|
|||
IL-Fulu
Ħallejt fulu lejl jixxarrab,
Tfajt ftit ilma ġo vażett,
Dawwart ġewwa karta xuga biex tixxarrab sa fuq nett.
Meta xxarrab dan il-fulu,
Il-qoxra tiegħu ntefħet sew
Jiena qegħedtu bejn il-karta u l-vażett biex jibq’ hemm ġew.
Fulu, fulu fittex ikber.
Hemmhekk żgur li m’għandekx riħ.
Fittex nebbet, tella’ l-weraq,
Zokk bil-fjuri u għeruq sal-qiegħ.
Fulu, fulu fittex ikber.
Hemmhekk żgur li m’għandekx riħ.
Fittex nebbet, tella’ l-weraq,
Zokk bil-fjuri u għeruq sal-qiegħ.
minn Għanjiet it-Tfal ta’ Mary Anne Zammit
|
||||
6. |
Nibżgħu għall-Ambjent
02:47
|
|||
Nibżgħu Għall-Ambjent
Nibżgħu għall-ambjent ta’ madwarna,
Nieħdu ħsieb is-siġar u l-ward,
Ma naħqrux, ma noqtlux annimali u fjur,
B’hekk madwarna sabiħ jibqa’ żgur.
Għaliex taqta’ kull warda sabieħa li ssib
Sabiex tinxef ftit wara li lilha ġġib?
Għaliex titfa’ mal-art il-karti tiegħek?
Kemm aħjar jekk iġġorr l-indafa miegħek!
Nibżgħu għall-ambjent ...
Ħu pjaċir meta tmur passiġġata f’xi wied
Jew f’xi triq nhar ta’ Ħadd qalb l-għelieqi, għall-kwiet;
Siġar sbieħ kollha nwar (blanzuni) kull fejn tħares,
Fjuri sbieħ bħal narċis, inkella qares.
Nibżgħu għall-ambjent ...
minn Għanjiet it-Tfal ta’ Mary Anne Zammit
|
||||
7. |
Aħħ Kemm Hu Bard!
01:56
|
|||
Aħħ Kemm Hu Bard!
Aħħ! Aħħ kemm hu bard! Kemm hu bard!
Aħħ kemm hu bard illum!
Aħħ! Aħħ kemm hu bard! Kemm hu bard!
Aħħ kemm hu bard illum!
Mal-Milied tibda x-xitwa kiesħa.
Nilbsu lkoll ġerżijiet ħoxnin,
Magħna nġorru dejjem l-umbrella
Biex żgur ma nispiċċawx imxarrbin.
Nidħol kmieni fid-dar għas-sħana,
Naqbad naqra xi ktieb sabiħ
Jew nittawwal minn wara t-tieqa,
Nara x-xita u nissemma’ r-riħ.
Aħħ! Aħħ kemm hu bard! ...
Ħafna drabi, biex nisħon sewwa,
Ommi ssajjar qastan ifuh;
L-imbuljuta biċ-ċikkulata
Kemm inħobbu jaqbadni l-ġuħ!
Kull fl-għaxija, id-dar bil-heater
Għax il-kesħa tidħol hemm ġew.
Fuq is-sodda, b’xi kutra ħoxna,
Kemm nitgħatta u nitrekken sew!
Aħħ! Aħħ kemm hu bard! ...
minn Għanjiet it-Tfal ta’ Mary Anne Zammit
|
||||
8. |
Fir-Razzett
02:40
|
|||
Fir-Razzett
Ħriġna dawra sar-razzett
Rajna ħafna annimali
Baqar, fniek, tiġieġ u flieles,
Papri, mogħoż, ngħaġ u majjali
Klieb u ġriewi wuu wuu wuu
Baqra u għoġol muu muu muu
Papra tlaqlaq kwakk kwakk kwakk
U t-tiġieġa klakk klakk klakk
Ħriġna dawra sar-razzett ...
Quqqu-qu-qu idden is-serduq
Beqq qalet in-nagħġa,
Ħi-ħo, ħi-ħo naħaq il-ħmar
U d-dubbien minn fuqu tar
Ħriġna dawra sar-razzett ...
Klieb u ġriewi ...
Quqqu-qu-qu ...
Ħi-ħo, ħi-ħo naħaq il-ħmar
U d-dubbien minn fuqu tar
minn Għanjiet it-Tfal ta’ Mary Anne Zammit
|
||||
9. |
Opportunita`
02:26
|
|||
Opportunita` (L-Għanja Tal-Iskola)
Ejjew flimkien l-għanja tagħna nkantaw
Biex biha ’l-iskola żgur nonoraw
Għax fiha aħna nitgħallmu bis-sħiħ,
Flimkien nitħejjew għal futur sabiħ.
Għandna l-opportunita` li nitgħallmu ngħixu,
Nitgħallmu nħobbu,
Ngħinu ’l xulxin,
Opportunita` illi moħħna niftħu,
Bil-għaqal naħdmu,
Insiru biżlin.
Ejjew flimkien ...
Mal-għalliema niftħu qalbna; tassew jifhmuna,
Kemm iħobbuna
Mhux biss bil-kliem,
Naħdmu lkoll bil-qalb aħna l-istudenti
Sabiex kuntenti
Nimxu ‘l quddiem.
Ejjew flimkien ...
minn Għanjiet it-Tfal ta’ Mary Anne Zammit
|
||||
10. |
F'Nofs il-Ġardina
02:37
|
|||
F’Nofs Il-Ġardina
F’nofs il-ġardina hemm siġra kbira;
Siġra sabieħa, folta u twila.
F’nofs din is-siġra kbira u sabieħa
Hemm friegħi ħelwa jiżfnu ferrieħa.
Fuq dawn il-friegħi sodi u felħana
Hemm ħafna weraq ileqqu ferħana.
Fuq dawn il-weraq, maħduma b’għaqal
Hemm bejta ċkejkna ta’ xi għasafar.
Ġo din il-bejta hemm għasfur ċkejken
Għadu jitwieled, rieqed imsejken.
Ġo l-għasfur ħelu hemm qalb mimlija
Sħana, imħabba, ħniena u mogħdrija.
Kemm nixtieq kellna qalbna bħal din
Biex dejjem veru nħobbu ’l xulxin!
Kemm nixtieq kellna qalbna bħal din
Biex dejjem veru nħobbu ’l xulxin!
minn Għanjiet it-Tfal ta’ Mary Anne Zammit
|
||||
11. |
||||
Missieri Kemm Iħobbni!
Missieri kemm iħobbni! Nieħu gost meta nkunu flimkien
Għax meta jkun id-dar tgħidx kemm jgħallimni u nilagħbu bla waqfien.
Kultant imur jistaħba u jien nipprova nfittex fejn mar
Inkella jgħidli storja ta’ fatat; filli jgħum, filli tar!
Missieri kemm iħobbni! ...
Fuq dahru itellagħni, jiġri bija bħal żiemel maħrub.
Inżomm biex ma naqax. Tassew li minni tgħidx kemm hu maħbub!
Missieri kemm iħobbni! ...
Jekk fil-garaxx ikun jagħmilli tavla fuq ġebla fin-nofs;
Malajr ikolli ċaqlembuta, nilagħbu u tassew nieħu gost!
Missieri kemm iħobbni! ...
Jgħallimni nuża l-għodda, naħdem biha iżda ma nweġġax;
Flimkien niżbgħu xi mejda u kemm nista’ fuq l-art ma nwaqqax.
Missieri kemm iħobbni! ...
Kultant noħorġu nixtru u miegħi jista’ ibattal karus!
Jixtrili kotba, toys u xi pasti; missieri tassew ġeneruż.
Missieri kemm iħobbni! ...
Missier, missier, ħu paċenzja met’għadni żgħir
La nikber inkun nafhulek u ta’ kollox inroddlok ħajr
minn Għanjiet it-Tfal ta’ Mary Anne Zammit
|
||||
12. |
Tafu Tgħiduli Min Jien?
02:26
|
|||
Tafu Tgħiduli Min Jien?
Jien nagħtikom laħam tal-majjal;
Tajjeb għall-kbar u tajjeb għat-tfal.
Tafu? Tafu? Tafu tgħiduli min jien?
Tafu? Tafu? Tafu tgħiduli min jien?
Iva naf. Iva naf. Int il-qasqus. Int il-ħanżir.
Iva naf. Iva naf. Inti żgur il-ħanżir. Ojnk ojnk
Jien nagħtikom suf u ħalib;
Fih is-sustanzi, jgħid it-tabib.
Tafu? Tafu? Tafu tgħiduli min jien?
Tafu? Tafu? Tafu tgħiduli min jien?
Iva naf. Iva naf. Iva jien naf li inti n-nagħġa.
Iva naf. Iva naf. Inti żgur in- nagħġa. BEEEQ!
Ċanga nagħtikom, ħalib mhux ftit
U mid-demm tiegħi jagħmlu l-mazzit.
Tafu? Tafu? Tafu tgħiduli min jien?
Tafu? Tafu? Tafu tgħiduli min jien?
Iva naf. Iva naf. Iva jien naf li inti l-baqra.
Iva naf. Iva naf. Inti żgur il-baqra. MUUU!
minn Għanjiet it-Tfal ta’ Mary Anne Zammit
|
||||
13. |
San Anton
02:39
|
|||
San Anton
L-għalliema tagħna ħaditna dawra,
Dawra sabieħa sa San Anton.
Kemm qgħadna bravi u kemm tgħallimna
Fuq l-annimali ta’ San Anton!
Rajna annimali żgħar u kbar,
Smajna l-ħsejjes tagħhom fil-gallinar.
Rajna xi għasafar u l-pagun,
B’denbu tgħidx kemm tkessaħ, kemm hu brikkun!
L-għalliema tagħna ħaditna dawra,
Dawra sabieħa sa San Anton.
Kemm qgħadna bravi u kemm tgħallimna
Fuq l-annimali ta’ San Anton!
Morna ħdejn il-vaska, kemm papri sbieħ
Jgħumu f’wiċċ l-ilma u jinżlu fil-qiegħ!
Rajna x-xadini jiddendlu maz-zkuk,
Jieklu l-banana u bħal ikellmuk.
L-għalliema tagħna ħaditna dawra,
Dawra sabieħa sa San Anton.
Kemm qgħadna bravi u kemm tgħallimna
Fuq l-annimali ta’ San Anton!
minn Għanjiet it-Tfal ta’ Mary Anne Zammit
|
||||
14. |
ta - ma - xa (mużika)
01:09
|
Mary Anne Zammit Malta
WELCOME to my website where you may enjoy songs in maltese.
Thanks for supporting.
❤
MERHBA fuq is-sit tiegħi fejn tista' tgawdi għanjiet u kanzunetti bil-malti.
Grazzi tas-sapport.
Streaming and Download help
If you like Mary Anne Zammit, you may also like:
Bandcamp Daily your guide to the world of Bandcamp