1. |
Żinn Żinn Żinn Żinn
01:48
|
|||
ŻInn Żinn Żinn Żinn
Inħobb nisma' xi ħsejjes li jagħmlu l-annimali
Ħafna minnhom lili iferrħuni
Iżda xi oħrajn lili jdejquni
Inħobb nisma' xi kelb jinbaħ meta ma jkunx irrabjat
Jew qattus li jkun inewwaħ fuq xi cushion ixxamplat
Iddejjaqni xi nemusa illi ddur fil-kamra tiegħi
Tibda toqros. tibda żżarżar, donnha tkun trid taqbad miegħi
Żinn żinn żinn żinn ....
Inħobb nisma' xi ħsejjes li jagħmlu l-annimali
Ħafna minnhom lili iferrħuni
Iżda xi oħrajn lili jdejquni
Inħobb nisma' dawk l-għasafar kull fil-għodu u kull fl-għaxija
Ilkoll jgħannu ġo xi siġra donnhom jgħidu l-litanija
Imma l-ħoss ta' xi dubbiena ddur iddur qisha raddiena
Fitta, fitta m'għandhiex ħniena taqbad dik il-kantaliena
Żinn żinn żinn żinn ....
minn Għanjiet it-Tfal ta’ Mary Anne Zammit
|
||||
2. |
Il-Lapes
02:33
|
|||
Il-Lapes
Iltqajt ma’ lapes qalb il-kuluri
Kien donnu mdejjaq, mimli bil-buri
Għedtlu, Xi ġralek? Għax qed tinkedd?
U qalli storja mill-bidunett.
Kien xtrani tifel minn ġo ħanut
Fejn kont ma’ sħabi u qatt batut,
F’idu qabadni b’riħa ta’ ħut.
Malajr tefagħni fid-dlam, ġol-but.
Iltqajt ma’ lapes...
Għalkemm ma’ sħabu dan tassew twajjeb
Fil-kitba tiegħu traskurat żgur;
Iwaħħal fija jekk jikteb ikrah,
Jekk jagħfas ħafna jgħid nikteb skur!
Iltqajt ma’ lapes...
Il-ponta jkisser, jaqsamli rasi,
Ma jiħux ħsiebi, ma jagħtix kasi;
Kemm jittrempani u jgiddem fija
Sirt tassew qsajjar, migruf u l-bqija.
Iltqajt ma’ lapes...
Kont twil, twil, sabiħ u ġdid,
Rasi ppuntata, nikteb pulit.
Iss sirt nistħi lili nnifsi nuri;
Aħjar nistaħba qalb dawn il-kuluri.
Iltqajt ma’ lapes...
minn Għanjiet it-Tfal ta’ Mary Anne Zammit
|
||||
3. |
Il-Farfett
02:01
|
|||
Il-Farfett
Kont bajda ċkejkna f’għalqa sabieħa.
Faqqast! sirt dudu (xagħat), kilt werqa sħiħa!
Imbagħad ġie tifel, ħadni d-dar miegħu;
Ġo vażett qegħedni ġewwa l-ġnien tiegħu.
Ridt insir farfett nittajjar
Fuq il-fjuri kollha kulur;
Nogħla ’l fuq, niftaħ ġwinħajja
F’ġonna sbieħ lili tara ndur.
Rabbejt il-fosdqa u ntrabatt sewwa
B’dik il-ħarira, kemm domt hemm ġewwa.
Jiena ridt naħrab minn ġol-vażett;
Kissirt il-fosdqa u sirt farfett!
Sirt farfett li nħobb nittajjar
Fuq il-fjuri kollha kulur;
Nogħla ‘l fuq, niftaħ ġwinħajja
F’ġonna sbieħ lili tara ndur.
minn Għanjiet it-Tfal ta’ Mary Anne Zammit
|
||||
4. |
Iqumu Mir-Raqda
01:40
|
|||
Iqumu Mir-Raqda
L-aktar staġun li nħobb hu r-rebbiegħa
Għaliex għadda tax-xitwa l-ksieħ;
Iqumu l-ħlejjaq mir-raqda tagħhom
Sabiex igawdu daż-żmien sabiħ
Il-ful u l-piżelli
Ġa kibru mhux ħażin.
Il-lewża u l-ħawħa
Bil-weraq mimlijin.
L-aktar staġun li nħobb hu r-rebbiegħa
Għaliex għadda tax-xitwa l-ksieħ;
Iqumu l-ħlejjaq mir-raqda tagħhom
Sabiex igawdu daż-żmien sabiħ
It-tjur u l-għasafar
Ibidu bajd bil-wisq.
Ifaqqsu ħafna fieles.
Fl-irziezet hemm ir-risq!
L-aktar staġun li nħobb hu r-rebbiegħa
Għaliex għadda tax-xitwa l-ksieħ;
Iqumu l-ħlejjaq mir-raqda tagħhom
Sabiex igawdu daż-żmien sabiħ.
minn Għanjiet it-Tfal ta’ Mary Anne Zammit
|
||||
5. |
Il-Ħanżir
02:33
|
|||
Il-Ħanżir
Oħxon, oħxon qisu katuba,
Par widnejn kbar kbar qishom qlugħ,
Imnieħer ċatt, denbu nokklu ċkejken;
Dalwaqt għall-qatla jeħduh!
Il-ħanżir taqtagħlu denbu mhux jispiċċa, mhux jispiċċa, mhux jispiċċa.
Il-ħanżir taqtagħlu denbu mhux jispiċċa iżda jsir ħanżir u biċċa!
Oħxon, oħxon ...
Il-ħanżir taqtagħlu rasu mhux jiżgiċċa, mhux jiżgiċċa, mhux jiżgiċċa.
Il-ħanżir taqtagħlu rasu mhux jiżgiċċa iżda tieklu biċċa biċċa!
Oħxon, oħxon ...
Rasu, il-fwied, saqajh jew żaqqu kollox nieklu, kollox nieklu, kollox nieklu.
Rasu, il-fwied, saqajh jew żaqqu kollox nieklu; anke l-ġilda tiegħu nieħdu!
Oħxon, oħxon ...
Xi kustilja, koxxa l-forn jew xi kawlata, xi kawlata, xi kawlata.
Xi kustilja, koxxa l-forn jew xi kawlata minn xi ras kollha spulpjata!
Oħxon, oħxon ...
minn Għanjiet it-Tfal ta’ Mary Anne Zammit
|
||||
6. |
||||
Kemm Taf Issajjar Il-Mama
Kemm taf issajjar il-mama
U kemm jogħġbu l-ikel il-papa`!
Jien inħobb niekol mimli platt
U milli sajjar ma ngerger qatt.
Bajda friska kull filgħodu,
Tiġieġa l-forn f’nofsinhar,
Tas-serduk dak il-brodu,
Dejjem sejjer in-nar.
Kemm taf issajjar il-mama
U kemm jogħġbu l-ikel il-papa`!
Jien inħobb niekol mimli platt
U milli sajjar ma ngerger qatt.
Aħħ xi jfuħ dak il-fenek!
Ommi ssajru bl-imbid,
Tgħalli dak l-ispagetti
U miegħu iz-zalza iżżid.
Kemm taf issajjar il-mama
U kemm jogħġbu l-ikel il-papa`!
Jien inħobb niekol mimli platt
U milli sajjar ma ngerger qatt.
minn Għanjiet it-Tfal ta’ Mary Anne Zammit
|
||||
7. |
Fjur Ta' Mejju
01:39
|
|||
Fjur Ta’ Mejju
Fix-xahar sabiħ ta’ Mejju
Inħobb immur sal-ġnien
Inħares lejn il-fjuri
U nitgħaxxaq b’dawk l-ilwien.
Hemm dalji u buqari,
Hemm ġiżi u ward,
Hemm qronfol, gladjoli
Fil-qsari u fl-art
U fl-arja jittajru
Insetti biżlin
Ħa jdakkru lill-fjuri
Bil-fwieħa mżejnin.
Fost kemm fil-ġonna nara
Jittajru, hemm insett
Li lili ferm jogħġobni;
Hu ħabibi il-farfett!
Hemm dalji u buqari ...
minn Għanjiet it-Tfal ta’ Mary Anne Zammit
|
||||
8. |
Kollox Sewwa
00:59
|
|||
Kollox Sewwa!
Dana kif, qal wieħed raġel,
Illi l-qargħa ħamra tikber fl-art
Meta ġandra ċkejkna tikber fl-għoli?
Jiena żgur ma nistax naqbad art!
Dik il-qargħa ħamra bil-weraq mitluq hemm
Lanqas jixirqilha tkun mal-art!
Dik il-qargħa ħamra bil-weraq mitluq hemm
Lanqas jixirqilha tkun mal-art!
(F’daqqa waħda taqa’ ġandra fuq imnieħru)
Ajma mnieħri! qal dak ir-raġel.
Imn’Alla kien hekk
U allaħares ma kienx hekk!
Imn’Alla f’dak il-għoli
Kien hemm dik il-ġandra,
Mhux il-qargħa ħamra ħoxna u kbira!
L-aħjar li ma ngergrux,
Nieħdu pjaċir b’kull m’hawn madwarna
Għax il-ħolqien sabiħ
Jekk inti lilu taf tammira!
minn Għanjiet it-Tfal ta’ Mary Anne Zammit
|
||||
9. |
||||
Waslu l-Vaganzi – Uff Xi Sħana!
Uff xi sħana! jaqbadni n-ngħas.
Ix-xemx kemm taħraq tagħmilli uġigħ ta’ ras.
Nixfet il-kampanja, sfar il-ħaxix,
Għandi aptit l-iskola aktar ma niġix!
E bilħaqq dalwaqt il-vaganzi!
Kemm se nistrieħ u bix-xemx niġi sabiħ!
Kemm se ngħum u nilgħab fir-ramel!
Kemm se niħmar aktar barra milli d-dar.
Kemm se niekol frott minn tas-sajf;
Tin, tut u bajtar, għambaqar, farkizzan…
Dalwaqt jigu l-festi w il-logħob tan-nar.
Il-festa tagħna hija waħda mill-aħjar!
E bilħaqq dalwaqt il-vaganzi!
Kemm se nistrieħ u bix-xemx niġi sabiħ!
Kemm se ngħum u nilgħab fir-ramel!
Kemm se niħmar aktar barra milli d-dar.
minn Għanjiet it-Tfal ta’ Mary Anne Zammit
|
||||
10. |
In-Nemel
01:33
|
|||
In-Nemel
Nemel kbar, nemel żgħar,
Taħdmu, taħdmu lejl u nhar,
Timxu lkoll wara xulxin,
Flimkien tgħixu magħqudin.
Nemel ċkejken kemm int bieżel
Qalb il-ħofor tiela’ u nieżel.
Dejjem taħdem fil-jiem sħan
Biex fix-xitwa tgħix ferħan.
Nemel kbar, nemel żgħar,
Taħdmu, taħdmu lejl u nhar,
Timxu lkoll wara xulxin,
Flimkien tgħixu magħqudin.
Spiss tarakom qed iġġorru
Xi frak ċkejken kull fejn tmorru;
Lejn xi ħofra fil-ħamrija
Minn filgħodu sa filgħaxija
Nemel kbar, nemel żgħar,
Taħdmu, taħdmu lejl u nhar,
Timxu lkoll wara xulxin,
Flimkien tgħixu magħqudin.
minn Għanjiet it-Tfal ta’ Mary Anne Zammit
|
||||
11. |
Il-Mama Tiegħi
02:17
|
|||
Il-Mama Tiegħi
Il-mama tiegħi dejjem tieħu ħsiebi,
Dejjem lili trid tara kuntent.
Jiena nipprova nagħmilha wkoll ferħana
U biex nikkuntentaha jiena noqgħod attent.
Il-mama tiegħi dejjem tieħu ħsiebi,
Dejjem lili trid tara kuntent.
Jiena nipprova nagħmilha wkoll ferħana
U biex nikkuntentaha jiena noqgħod attent.
Naħsel il-platti jew nixxuttahomlha
U noqgħod attent li ma mmurx inkissirhomlha.
Immur naqdiha għand tal-ħanut;
Nixtrilha l-laħam, il-frott jew il-ħut
Il-mama tiegħi ...
U meta tgħidli biex noqgħod nistudja
Jiena nobdiha, ma noqgħodx inġib xi skuża.
Nagħmel il-homework, nikteb pulit,
Naqra u nistudja għax tgħidli għall-ġid.
Il-mama tiegħi ...
minn Għanjiet it-Tfal ta’ Mary Anne Zammit
|
||||
12. |
ta - ma - xa - mużika
01:10
|
|||
13. |
Mama, Ilgħab Miegħi
02:27
|
|||
Mama Ilgħab Miegħi
Mama ħallik mill-faċendi.
Issa ngħinek jien.
Issa ngħinek jien.
Mama ħallik mill-faċendi
Ej’ nilagħbu logħba flimkien.
Nilagħbu noli fil-kmamar;
Jien nistaħba, jien nistaħba
U int oqgħod fittex madwarek
Sakemm tara fejn kienet il-moħba.
Mama ħallik mill-faċendi...
Fil-bitħa niġru xi ġirja
Ejj’ aqbadni, ejj’ aqbadni
Sakemm jirnexxilek tilħaqni,
Imbagħad miegħek bil-ħlewwa tgħannaqni.
Mama ħallik mill-faċendi...
Xi jigsaw puzzle sabieħa
Ejja ngħaqqdu, ejja ngħaqqdu.
Iħobbok mama, oqgħod ħdejja.
Meta nlestu tiħodli b’idejja.
Mama ħallik mill-faċendi...
minn Għanjiet it-Tfal ta’ Mary Anne Zammit
|
||||
14. |
Banda Ġewwa d-Dar
02:17
|
|||
Banda Ġewwa d-Dar
Umpa umpa um parapappa
Umpa umpa um parapappa
Umpa umpa um parapappa
Umpa umpappa!
Nagħmlu banda waqt li ngħinu lill-mama
Ratatata-ratatata Ratatata-ratatata.
Nagħmlu banda waqt li ngħinu lill-mama
U nagħmlu ħafna ħsejjes sbieħ, bis-serjeta`.
Bubumm bubumm bubumm il-friskatur
Bubumm bubumm bubumm qisu tambur
Bubumm bubumm bil-borma u kuċċarun
U nagħmlu ħafna ħafna storbju bir-raġun
Umpa umpa um parapappa ...
Nagħmlu banda ...
Għatu f’idi l-leminija, għadu f’idi x-xellugija
Ejja ndoqqu l-platti u nagħmlu ħoss sabiħ
Bil-kuċċarini ħsejjes żgħar u bil-platti ħsejjes kbar
Ejjew nagħmlu banda sħiħa ġewwa d-dar
Umpa umpa um parapappa ...
Nagħmlu banda ...
minn Għanjiet it-Tfal ta’ Mary Anne Zammit
|
||||
15. |
Il-Pitirross
01:49
|
|||
Il-Pitirross
Kelli pitirross, kont nagħtih jiekol, nagħtih jixrob
Iżd’ huwa, xorta mdejjaq, dejjem lili dan kien jitlob:
Psitt-psitt, psitt-psitt,
Tajjarni minn hawn.
Dil-gaġġa wisq żgħira.
Ħarrabni minn hawn...
Psitt-psitt, psitt-psitt,
Tajjarni minn hawn.
Dil-gaġġa wisq żgħira.
Ħarrabni minn hawn...
Qatta’ rixu kollu għax bla sabar kien jittajjar
U li kien jaf kif jiftaħ żgur li jaħrab kien jitħajjar.
Psitt-psitt, psitt-psitt,
Tajjarni minn hawn.
Dil-gaġġa wisq żgħira.
Ħarrabni minn hawn...
Psitt-psitt, psitt-psitt,
Tajjarni minn hawn.
Dil-gaġġa wisq żgħira.
Ħarrabni minn hawn...
minn Għanjiet it-Tfal ta’ Mary Anne Zammit
|
||||
16. |
Mjaw Mjaw
02:12
|
|||
Mjaw Mjaw
Mjaw mjaw meta bin-nervi,
Mjaw mjaw meta ferħan,
Mjaw mjaw meta bil-ġuħ u
Mjaw mjaw meta xebgħan.
Il-qattus ħelu, jorqod mhux ftit.
Ix-xemx iħobbha, anke t-tapit.
Il-ħalib jixrob, jiekol il-ħut.
Kemm tiġih tajba biċċa perżut!
Mjaw mjaw meta bin-nervi,
Mjaw mjaw meta ferħan,
Mjaw mjaw meta bil-ġuħ u
Mjaw mjaw meta xebgħan.
Iħobb iħabbel xi kobba suf
U għal xi ġurdiena iħobb iħuf.
Kemm jilgħab miegħi u jħobb lit-tfal;
Qatt ma jigrifhom b’dawk difrejh twal.
Mjaw mjaw meta bin-nervi,
Mjaw mjaw meta ferħan,
Mjaw mjaw meta bil-ġuħ u
Mjaw mjaw meta xebgħan.
minn Għanjiet it-Tfal ta’ Mary Anne Zammit
|
||||
17. |
Iħejju Għar-Raqda
02:15
|
|||
Iħejju Għar-Raqda
Ġiet ix-xitwa, beda l-bard
U l-ħlejjaq staħbew fl-art.
Wara r-raqda ta’ xi siġar
Dalwaqt jerġa’ jibda l-ward.
In-nemel bieżel ħejja l-bejta;
Fis-sajf kien jaħdem lejl u nhar
Biex issa fil-ksieħ, fil-bard u fir-riħ
Hemm ġew jistkenn u jsib mistrieħ.
Ġiet ix-xitwa ...
Il-werżieq raqad raqda twila.
Il-qanfud mar jistaħba ukoll.
Is-siġar tat-tut, tal-għeneb (id-dielja), tat-tin (it-tina)
Ħejjew biex jorqdu dawn ilkoll.
Ġiet ix-xitwa ...
Il-bebbux, malli ħass l-imxarrab
Qam biex inaqqar weraq sbieħ.
Hu biss ma ħejjiex għar-raqda l-friex
Iżda qam jiekol minnufih.
Ġiet ix-xitwa ...
minn Għanjiet it-Tfal ta’ Mary Anne Zammit
|
||||
18. |
Immorru l-Bandli
02:15
|
|||
Immorru l-Bandli
Ejja mmorru l-bandli lkoll
Nitbandlu, ukoll nilagħbu magħkom.
Ejjew immorru l-bandli lkoll
Nitbandlu u nieħdu pjaċir.
Il-bandla tiegħi jonqosha ż-żejt;
Il-ħadida qiegħda żżaqżaq.
Il-bandla tiegħek ukoll
Bil-ħsejjes tagħha lilna ddaħħaq.
Ejja mmorru l-bandli ...
Jien naħa u inti oħra
Ejja nirkbu ċ-ċaqlembuta;
Int ninżel, jiena nitla’ ’l fuq,
Ħafifa qisha ħuta.
Ejja mmorru l-bandli ...
Nitilgħu tarġa tarġa
Biex niżżerżqu iż-żurżieqa
U nagħmlu festa mat-tfal żgħar,
Intajru xi bużżieqa.
Ejja mmorru l-bandli ...
minn Għanjiet it-Tfal ta’ Mary Anne Zammit
|
||||
19. |
Ċluff Ċluff
04:07
|
|||
Ċluff Ċluff
Ċluff - ċluff - ċluff - ċluff
Ċluff - ċluff - ċluff - ċluff
Ċluff-ċluff xi mewġa kbira, ċluff-ċluff mal-blat,
Ċluff-ċluff f’xi maltempata bis-sajjetti u r-ragħad,
Ċluff-ċluff xi mewġa kbira, cluff-ċluff mal-blat,
Kieku dejjem daqshekk imqalleb jien żgur li ma ngħum qatt!
Kieku dejjem daqshekk imqalleb jien żgur li ma ngħum qatt!
Ċluff - ċluff - ċluff - ċluff
Kemm naħseb fuq is-sajjieda u dawk li jivvjaġġaw!
Meta l-baħar ikun imqalleb dawn żgur li jinkwetaw.
Il-baħar tassew li b’saħħtu u rasu iebsa wkoll
Iżda meta jrattab żaqqu naqbżu fih biex ngħumu lkoll!
Iżda meta jrattab żaqqu naqbżu fih biex ngħumu lkoll!
Ċluff, ċluff, ċluff, ċluff, ...
Nistenna dix-xitwa tgħaddi u l-kesħa tibda tnin,
Ir-rebbiegħa tidħol ’il ġewwa, għas-sajf dejjem resqin.
Imbagħad nispiċċaw l-iskola; jiġu l-vaganzi sbieħ!
Għall-baħar nibdew naħsbu għax il-għawm jogħġobna sħiħ.
Għall-baħar nibdew naħsbu għax il-għawm jogħġobna sħiħ.
Ċluff, ċluff, ċluff, ċluff, ...
minn Għanjiet it-Tfal ta’ Mary Anne Zammit
|
||||
20. |
Tfal Ħbieb
01:44
|
|||
Tfal Ħbieb
Jekk irridu nkunu tfal ferħana,
Lilna kulħadd jiggustana,
Dejjem nilagħbu flimkien
U nkantaw kullimkien:
Ma niġġildux iżda nkunu ħbieb,
Il-ġugarelli tal-oħrajn nieħdu ħsieb,
Nistudjaw ħafna u ngħinu ‘l xulxin,
Naqsmu dak li għandna flimkien.
Jekk irridu nkunu tfal kuntenti
Dejjem noqogħdu attenti
Biex ma nweġġgħux lil xulxin
Għaliex wisq imqarbin.
Ma niġġildux iżda nkunu ħbieb,
Il-ġugarelli tal-oħrajn nieħdu ħsieb,
Nistudjaw ħafna u ngħinu ‘l xulxin,
Naqsmu dak li għandna flimkien.
minn Għanjiet it-Tfal ta’ Mary Anne Zammit
|
||||
21. |
Kieku Kelli
02:32
|
|||
Kieku Kelli
Kieku kelli ballun żgħir kemm kont nilgħab b’dan il-ġugarell!
Kieku kelli ballun żgħir kemm kont nilgħab b’dan il-ġugarell!
Inwaddab u nilqa’ dan il-ballun, kemm kont nilgħab b’dan il-ġugarell!
Inwaddab u nilqa’ dan il-ballun, kemm kont nilgħab b’dan il-ġugarell!
Kieku kelli tajra żgħira kemm kont nilgħab b’dan il-ġugarell!
Kieku kelli tajra żgħira kemm kont nilgħab b’dan il-ġugarell!
Intajjar it-tajra u nħoll l-ispag, kemm kont nilgħab b’dan il-ġugarell!
Intajjar it-tajra u nħoll l-ispag, kemm kont nilgħab b’dan il-ġugarell!
Kieku kelli ħabel żgħir kemm kont nilgħab b’dan il-ġugarell!
Kieku kelli ħabel żgħir kemm kont nilgħab b’dan il-ġugarell!
Naqbeż u naqbeż dan il-ħabel kemm kont nilgħab b’dan il-ġugarell!
Naqbeż u naqbeż dan il-ħabel kemm kont nilgħab b’dan il-ġugarell!
Kieku kelli karozza żgħira kemm kont nilgħab b’dan il-ġugarell!
Kieku kelli karozza żgħira kemm kont nilgħab b’dan il-ġugarell!
Insuq u ntellaq din il-karozza, kemm kont nilgħab b’dan il-ġugarell!
Insuq u ntellaq din il-karozza, kemm kont nilgħab b’dan il-ġugarell!
Kieku kelli ħafna ġugarelli kemm kont nilgħab mat-tfal iż-żgħar!
Imma ġugarelli jien għandi ftit iżda xorta waħda nilgħab irrid...
Mela naqsmu l-ġugarelli li għandna flimkien
U b’hekk ikollna ħafna inti u jien!
U b’hekk ikollna ħafna inti u jien!
minn Għanjiet it-Tfal ta’ Mary Anne Zammit
|
Mary Anne Zammit Malta
WELCOME to my website where you may enjoy songs in maltese.
Thanks for supporting.
❤
MERHBA fuq is-sit tiegħi fejn tista' tgawdi għanjiet u kanzunetti bil-malti.
Grazzi tas-sapport.
Streaming and Download help
If you like Mary Anne Zammit, you may also like:
Bandcamp Daily your guide to the world of Bandcamp