1. |
Denis L-Imqareb
01:46
|
|
||
|
Denis, dak Denis tifel kap tal-imqarbin
Qatt ma jkun id-dar ħlief f’xi nofsinhar
Jagħmel stejjer mill-kbar
Għaliex ħej
Denis, dak Denis li jistudja m’għandux kont
U fejn tarah ikun jilgħab bil-ballun
Dat-tifel ftit brikkun.
Għalxejn kultant missieru lil Danny jbeżbiżhielu;
Fastidju u jittanta, Denis lil kulħadd jiskanta.
Denis, dak Denis qatt ma għandu kwarta kwiet;
Sejjer għall-bejtiet jew għaż-żrinġijiet,
Qatta’ l-qmis u anke l-qalziet.
Denis, dak Denis mhuwiex tifel malizzjuż
Għalkemm prużuntuż, imma kuraġġuż,
Tassew tifel gustus.
Imma ħej,
Denis, dak Denis kulma jara jtih bis-sieq.
Jekk tarawh fit-triq, allavolja rqiq
Tgħidu kemm hu żaqqieq;
Mar jixtri l-murtadella mingħand tal-ħanut, Stella;
Kif ’l ommu urihielha tatu xebgħa għax naqqarhielha!
Denis, dak Denis jieħu lil kulħadd biċ-ċajt,
Iħobb lil kulħadd, ma jigdeb fuq ħadd,
Tifel bħalu ma rajt qatt!
|
||||
2. |
L-Istorja Tal-Ħmar
02:51
|
|
||
|
Isimgħu darba xi ġrali bil-ħmar tiegħi... tiegħi:
L-Imnarja għall-premju bih mort bit-tifel miegħi... miegħi.
Fit-triq tar-Rabat kulħadd ġie ħabat għalina għax konna mexjin.
In-nies bdew sejrin, “Xi ħmerija din! Għandhom ħmar; dawk imisshom rikbin!”
U għalhekk jien għedt ’l ibni ż-żgħir biex jirkeb fuqu... fuqu
U jien, bir-riedni f’idejja, bdejt insuqu... suqu.
“Qisu farfett, tifel bla rispett, minn missieru kif ma jistħix!?”
Din l-idea bi kwieti lili ma ħallitnix.
U għalhekk niżżilt ’l ibni jsuq, imbagħad tlajt jiena... jiena.
“Minn ibnu”, bdew jgħidu n-nies, mank għandi ħniena... ħniena!
U għax tlajna t-tnejn kemm garr beda ġej: “Povru ħmar, miskin, ser joqtluh!”
Dawn kienu l-ħbieb; lili ġieni l-ħsieb li norbtuh u fuq daharna nġorruh.
Mixjin u poplu ta’ nies jgħaddu ż-żmien bina... bina
Għaliex ma kienu raw qatt ħaġa bħal dina... dina!
Waqagħlna l-ħmar u katavru sar. Din l-istorja ma ninsa qatt:
Li fid-dinja le tista’ tikkuntenta ’l kulħadd.
|
||||
3. |
Il-Kaċċatur
02:17
|
|
||
|
Fid-dinja kulħadd għandu xi delizzju,
Fid-dinja kulħadd għandu xi namur;
Haw min iħobb l-isports għall-eżerċizzju
‘Mma n-namra tiegħi din ta’ kaċċatur.
Arani b’dak is-senter fuq spallejja,
U skartoċċi madwar qaddi xi ħamsin,
Il-kelba nżomm biċ-ċinga bejn idejja
U barżakka għall-għasafar maqbudin.
U għalkemm jgħidu li aħna l-kaċċaturi
Bħal sħabna, is-sajjieda, giddibin,
Did-darba lili emmnu lkoll sinjuri:
B’tir wieħed jiena ġieli lqatt sittin ...x’gidba din!
Iva żgur, iva żgur għax jien l-aqwa kaċċatur.
Iva żgur, iva żgur għax jien l-aqwa miratur.
B’idi vojta jien mill-kaċċa lejn id-dar qatt, le, ma mmur;
Naqbad żgur, naqbad żgur għax jien veru kaċċatur.
Filgħodu għal xi t-tlieta nqum mis-sodda
U wara il-quddies, bla telf ta’ żmien,
Bil-ġirja lejn id-dar nitlaq għall-għodda
Ħa mmur lejn Dellimara għas-summien.
Fettilli nidħol f’għalqa riservata
U wieħed bidwi tani ħasla kliem;
Ħasibni dħalt nisraqlu il-patata
Mentri mort biex nispara għall-gamiem.
Il-kaċċa lili titlef minn sensija;
Kemm nieħu gost infaqqa’ l-isparar!
Kull meta mmur barżakka nġib mimlija
U x’ikla tajba nagħmel f’nofsinhar!
Iva żgur, iva żgur għax jien l-aqwa kaċċatur.
Iva żgur, iva żgur għax jien l-aqwa miratur.
B’idi vojta jien mill-kaċċa lejn id-dar qatt, le, ma mmur;
Naqbad żgur, naqbad żgur għax jien veru kaċċatur.
|
||||
4. |
Dixxiplina Militari
02:03
|
|
||
|
Jien kelli ħija Tommy. Minn meta konna żgħar
Kien jilgħab mas-suldati; miġnun għall-militar
Kull sold li kien jiddobba, suldat taċ-ċomb jixtrih
U fall-in fuq il-mejda kien jgħajjtilhom minnufih:
Imxu, Suldali għall-manuvrar
Din dixxiplina tal-militar
Smart bil-beret flok beritta tal-pizz
Tgħidulix, Kif? għax teħlu stop leave
Mela march b’pass ħafif
Qed nordnalkom b’servizz.
Kif laħaq l-età tiegħu ingaġġa fir-riġment;
Kulħadd ħa grazzja miegħu, malajr laħħquh surġent
Għax b’leħnu, lis-suldati, kien jiddixxiplinahom
Manuvri jew parati b’din l-għajta jiċċassahom:
Imxu, Suldali għall-manuvrar
Din dixxiplina tal-militar
Smart bil-beret flok beritta tal-pizz
Tgħidulix, Kif? għax teħlu stop leave
Mela march b’pass ħafif
Qed nordnalkom b’servizz.
Imbagħad fi żmien il-kriżi minn tas-Suez Canal
Kemm show quddiem l-Ingliżi għax ried jilħaq fizzjal
Fit-toroq salt xenati minn seba’ mili bogħod
Tisimgħu l-ordni jagħti b’dak leħnu qawwi u sod:
Imxu, Suldali għall-manuvrar
Din dixxiplina tal-militar
Smart bil-beret flok beritta tal-pizz
Tgħidulix, Kif? għax teħlu stop leave
Mela march b’pass ħafif
Qed nordnalkom b’servizz.
|
||||
5. |
Ħajja Ta' Barklor
02:38
|
|
||
|
Bħall-gondolier, f’dan il-mistier
Barklor jien sirt, kont tfal u hekk bqajt, sallum li kbirt.
Trabbejt ix-xatt, mort skola qatt
U dan ix-xogħol ta’ fqir barklor jien waħdi qbadt.
Trid tkun frejagta biex naqla’ l-ġurnata
Kemm qdift binhar, billejl, kelli għalfejn!
Għax f’dawn is-snin tgħidx kemm baħrin
Bid-dgħajsa qtajt, abbord tellajt, lejn l-art wassalt.
Barklor! Ġie l-waqt. Niżżewweġ xtaqt.
F’dax-xogħol stinkajt, bil-flus li qlajt familja tmajt.
Barklor jien bqajt pero ppruvajt
Lit-tfal, kemm stajt, fi skola tajba edukajt.
L-ulied kibruli u tlieta laħquli
Perit, tabib, qassis; neħħewli l-piż.
U illum sinjur bid-dgħajsa ndur;
Nistad għall-ħut, barklor kif għext barklor sa mmut.
|
||||
6. |
L-Akbar Ħabib
03:24
|
|
||
|
Kif twelidt għad-dinja, jiena
Lilek sibt l-akbar ħabib.
Rasi ħsilt bl-ilma tal-ħniena;
X’ferħ kbir fija mort iġġib!
Ruħi ġbidt bħal kalamita
Biex is-sema biss nixtieq,
Fejn hi l-ħajja infinita,
Fejn hi l-hena garantita
Għax hemm jgħammar il-Ħallieq.
Kontra l-għadu, fit-tfulija
Minnek jien ġejt indukrat.
Ruħi saret ferm qawwija;
Tajtni l-Griżma u sirt suldat.
Bdejt titmagħni ikel benna;
Tibqa’ tħobbu meta dduq.
U int għallimtni biex nithenna,
Hemm fejn biss tinsab il-ġenna
Għandi nitfa’ ħarsti ’l fuq.
Fiż-żmien iebes taż-żgħożija
Int erfajtni mill-waqgħat.
Kont id-dawl li sibt għalija
Waħda żgur mit-tliet triqat.
Int lil ruħi qatt ma nsejtha;
Fuqi bqajt dejjem attent.
Tfajla sibt u ferm ħabbejtha,
Lilha biss f’qalbi żammejtha,
Żewwiġtn’ int, bqajt ngħix kuntent.
U jien tfal għandi numru sewwa;
Mill-aħjar dejjem rabbejt
U għal kliemek kollu ħlewwa
Bil-kuraġġ ħdimt u batejt.
U nittama li tkun ħdejja
Meta jasal dak iż-żmien
Li fih jien nagħlaq għajnejja;
Ħdejn is-sodda tiegħi ejja.
Saċerdot inħobbok jien.
|
||||
7. |
Diska Lill-Mama
03:49
|
|
||
|
Mama nispera li qiegħda tismagħni
Għax dan id-disk sabiħ għamilt għalik
U għalkemm bogħod minnek, ferm tixtieq tarani,
Tkun taf li jiena ma nistax ninsik.
Bih nurik li kulljum jiena moħħi fik.
Emigrajt. Xorta nħobbok jien bqajt
U bil-flus li ġemmajt issa xtrajt id-dar u saret tiegħi
Biex haw’ l-Awstralja nġibek toqgħod miegħi.
Diġa l-uffiċċju ktibt, tal-emigration
U kollox irranġajt ħa titla’ żgur.
Jien ħsibtlek mhux biss għall-accommodation;
Biex tiġi bl-ajruplan flok bil-vapur.
Ftit kuraġġ! Il-flus bgħattlek, aqta’ l-passaġġ.
Niżżik ħajr. Fittex ejja malajr!
Waħdi miniex kuntent, żguralment ma rridx nibqa’ f’dil-piena.
Jekk int ma tiġix hawn ser niġi jiena.
Mużika...
Tbikkinix. Hawnhekk waħdi la tħallinix.
Tinsinix! X’ngħidlek ma baqagħlix
Ħlief li nħobbok, mama, b’serjetà. La ssib ebda oġġezzjoni.
Jien ibnek Paul, mama, Benedizzjoni.
|
||||
8. |
Immorru Għaż-Żrinġijiet
02:36
|
|
||
|
Arana jien u ħija kemm insibu bottijiet
Għall-Marsa tal-Ingliżi ħalli naqbdu ż-żrinġijiet;
Jiena nċaflas ġol-ilma u ħija jiżloq fit-tajn,
Immorru t-tnejn bil-ġirja biex ninħaslu fuq il-għajn.
Arana, Arana, Arana, infittxu l-bottijiet,
Arana, Arana, Arana, fil-wied għaż-żrinġijiet.
Deffist ħadida fl-ilma ħsibtni qbadt xi żrinġ fit kbir,
Bħal ħmar kelli narmiha, kienet landa tal-butir!
Ħija qagħad jidħaq bija u waqagħlu l-bott fil-wied.
Miskin, kemm beda jnewwaħ għax ħarbulu ż-żrinġijiet!
Arana, Arana, Arana, it-tnejn nidħqu b’xulxin,
Arana, Arana, Arana, kemm konna imdejqin.
Ingliż ried ikeċċina u beda jgħajjat: “Go away!”
U jien irrispondejtu, għedtlu: “Johnny, what’d you say?”
Għamiltha ftit tal-iblah għal taparsi ma fhimtux.
Bil-Malti għedt lil ħija: “Nibqgħu hawn u ma mmorux”.
Arana, Arana, Arana, ’l-Ingliż kif fixkilnih,
Arana, Arana, Arana, bil-Malti dħaqna bih.
Qalziet imxarrab għasra u bil-qmis imċarrta t-tnejn
Insejna, bqajna l-Marsa, kienu daqqu is-sagħtejn.
Id-dar b’ġirja wasalna; qlajna xebgħa numru sei
Konn’ ilna minn filgħodu, lill-mama m’għednilha xej’!
Arana, Arana, Arana, dak l-ikel kemm ifuh,
Arana, Arana, Arana, ħallietna t-tnejn bil-ġuħ.
|
||||
9. |
Nemmen Ta' Malti
03:10
|
|
||
|
Nibqa’ nżommha tixgħel fija din il-fidi kollha dawl,
Hekk, kif waslet sħiħa għalija sa minn meta ġie San Pawl.
Jien ngħaddiha lit-tfal tiegħi biex dawn, bħali, jagħmlu patt
Li dil-fidi tassew kbira dejjem jirtu ulied dil-gżira.
Żgur minn Malta ma tmut qatt.
Qaddisin missirijietna tempji ’l Alla, għalina bnew,
Minn fejn dejjem barka ġietna. X’monumenti kbar ħallew!
Minnhom dawn riedu jgħallmuna li d-destin tagħna mhux haw’;
Alla biss kien l-hena tagħhom, f’kull bżonn dejjem waqaf magħhom.
Bħalhom fih biss nittamaw.
Ta’ kull sena festa kbira f’nhar San Pawl niċċelebraw;
Jalla ta’ qawmien jiswielna biex fil-fidi nissudaw.
Jekk xi ħadd jiġi jipprova jisirqilna dat-twemmin
Malta bħal blata żonqrija tkun b’idejn San Pawl miksija,
Missier veru tal-Maltin!
|
||||
10. |
Marċellino Ħobż u Nbid
04:19
|
|
||
|
Ġewwa Spanja mal-Franċiżi sewwasew kif spiċċa l-ġlied
Talbu ’s-sindku, wara l-kriżi il-permess, il-patrijiet,
Li l-kastell bil-bombi mwaqqa’ f’kunvent jibdlu bla dewmien.
Patrijiet ħadmu lkoll b’daqqa sa bdew fih jgħammru flimkien.
Darba l-ajk sema’ l-qampiena, ir-rixtellu jiftaħ mar,
Sab tarbija tibki l-ħniena fl-art telquh xi qlub mill-agħar.
Sabuh nhar San Marċellino
U hekk semmewh lil dal-bambino
Marċellino Pane e Vino
Marċellino Marċellin.
Patrijiet tgħidx kemm tħabtulu, kemm ċanfir minħabba fih
Biex familja isibulu forsi tkun tista’ trabbih.
Ħadd ma riedu; dal bambino trabba u kiber fil-kunvent,
Patrijiet b’dan Marċellino kulħadd kien tassew kuntent
Għax kien fuq ruħu u jittanta lill-patrijiet u ’l Fra Din Don
Bil-film tiegħu kulħadd skanta; tmur fejn tmur tisma’ dat-ton:
Sabuh nhar San Marċellino
U hekk semmewh lil dal-bambino
Marċellino Pane e Vino
Marċellino Marċellin.
Fil-kunvent ġo kamra fqira kien jinsab il-kruċifiss
Marċellin b’imħabba kbira lilu kien ikellem spiss;
Jara ’l-ajk il-mejda jarma, mingħajr ħsejjes Marċellin
L-ikel ta’ xi patri jżarma u jiġri bih għand il-Bambin.
Kollu ħlewwa, Marċellino, ħobż u nbid kuljum jagħtih,
Mhux ta’ b’xejn li Pane e Vino il-Bambin lilu semmih!
Sabuh nhar San Marċellino
U hekk semmewh lil dal-bambino
Marċellino Pane e Vino
Marċellino Marċellin.
Darba l-ajk għamillu l-għassa fejn imur bil-ħobż u nbid.
Ra ’l-Bambin jiekol u ċċassa, ferħ ġo qalbu kompla jżid.
Marċellin lil Ġesu talbu li jixtieq jara ’l-mama,
Il-Bambin kien qralu f’qalbu u urihielu b’serjetà.
Marċellin ma damx jistenna; nagħsa ħelwa daħlet fih;
Il-Bambin kien ħadu l-ġenna biex għal dejjem igawdih.
Sabuh nhar San Marċellino
U hekk semmewh lil dal-bambino
Marċellino Pane e Vino
Marċellino Marċellin.
|
||||
11. |
|
|||
|
Sejjer lejn l-iskola, dejjem b’xi ballun
Kont naqbeż u nogħla; jien kelli raġun.
Ġieli tal-qampiena qas kont nagħti kas;
Nibqa’ nilgħab, jiena, il-ballun bir-ras
Ma’ sħabi rock and roll nilagħbu l-football.
L-ikbar ferħ għalina kienu s-sibtijiet
Bil-football erħina; żraben, gerijiet...
Ngħaqqdu xi partita f’għalqa fil-Ħamrun;
Vendi jew Pulita basta bil-ballun
Ma’ sħabi rock and roll nilagħbu l-football.
Reading, Writing u Arithmatic
Kemm mort l-iskola rasi kollha stikk
Għax wara l-homework, ikun liema jkun,
Kont niġri barra nfajjar bil-ballun oh!
Mat-tim tal-iskola lgħabt fil-forward line.
Qlajt elf karambola, Kemm xkanajt fit-tajn!
L-istadium il-Gżira b’ġirja mmur mid-dar;
Prasteov-Ladmira, rajt partiti kbar.
Ħabbejtu il-football fuq ir-rock and roll.
|
||||
12. |
Kampnari Ta' Malta
03:41
|
|
||
|
Il-kampnar tal-knejjes tal-bliet tagħna kemm iħobb leħnu jsemmagħna;
Minn dak l-għoli isejjħilna kuljum u nisimgħuh għaliex jaqblilna.
Tkun xi festa jferraħ ’il-qlub tagħna, fis-smewwiet jerfagħna.
Dak l-ilsien inħobbu jiena, xi pjaċir il-moti tal-qanpiena.
Din Don Dan
Maltemp kbir f’nofs ta’ xi lejl iħabbruhulna
Din Don Dan
Biex nitolbu u kull gwaj ibegħdulna
U l-kampnar mingħajr qatt ma jistona tgħidx kemm mużika ikkompona;
Għall-quddies tokki qawwija, filgħaxija l-mota tal-Ave Marija,
Nota mgħaġġla żgur ta’ xi funzjoni jew benedizzjoni
U b’nota tal-ħamis flgħaxija biex niftakru f’Jum L-Ewkaristija.
Din Don Dan
Meta t-tokki nisimgħuhom ftit għajjiena
Din Don Dan
Ngħidu Requiem, xi ħabib ħalliena
Żmien il-gwerra konna insejniehom u aħna, li mdorrijin bihom
Minn filgħodu sa filgħaxija daqq xejn u mill-kampnar x’melankonija!
Imma wara l-gwerra nimpikaw bejnietna; kemm-il qampiena ġietna!
Berikniehom u tellajniehom u tgħidx kemm fraħna li mill-ġdid smajniehom.
Din Don Dan
Minn dak l-għoli fejn issaltan bħal Reġina
Din Don Dan
Doqq, qampiena, ibqa’ doqq għalina
Kun reġina b’qalb ħanina,
Qatt tħallina u doqq għalina.
Din Don Dan
|
||||
Mary Anne Zammit Malta
WELCOME to my website where you may enjoy songs in maltese.
Thanks for supporting.
❤
MERHBA fuq is-sit tiegħi fejn tista' tgawdi għanjiet u kanzunetti bil-malti.
Grazzi tas-sapport.
If you like Mary Anne Zammit, you may also like:
Orchid Underneath
by Jane Paknia
Delightfully unpredictable debut from a New York electronic producer and composer with backgrounds in psychedelic rock, jazz, and indie pop.
go to album
An imaginative and experimentalist yet accessible record of acoustic prog from London-based artist Kiran Leonard.
go to album
Touched by the Stuff
by Motorists
Toronto rivals San Francisco as the North American capital of jangle pop as evidenced by this new record of sunny jams from the Motorists.
go to album
Blissfully narcotic dream-pop inspired by real dreams.
go to album
Brijean are back! Uptempo space disco grooves dusted with soul and R&B on the duo’s latest masterpiece.
go to album
Guitars sparkle like distant constellations on the latest from Scythe, who delivers dazzling space rock on their latest LP.
go to album
Io tu il loro
by Klaus Johann Grobe
Pivoting from German to English, disco to soft rock, the groovy Swiss duo branch out on their first album in six years.
go to album
